CaribSeek | CaribSeek Books | Curaçao Books | Korsou den siglo 20

CaribSeek Books
CaribSeek


 
 

Sponsors

 
5. Enseñansa ta sigui avansá; mes falta di adaptashon

Un desaroyo berdadero ku kuminsá den pueblo ta eksigí kada bes mas tantu pa sigui progresá. Esaki ta pasa ku enseñansa na Kórsou tambe. Tur banda por nota ku tin un interes pa bai dilanti.

Pueblo ta manda su yunan skol na gran kantidat. Tin un ansha pa siña. Gobièrnu ta rekonosé esei i ta ofresé awor un posibilidat pa optené grado akadémiko na Kórsou mes. Un avanse enorme ku mester lanta henter komunidat.

Rechtshogeschool ta keda formalmente lantá. Basta estudiante ta inskribí, meskos ku tabata e kaso tempu a tanta A.M.S. Peter Stuyvesant, awor tambe ta hopi hende grandi ta akudí pa sigui estudionan superior pa abogado. Mas lat ta konstruí un "campus" mes i ta integrá estudionan tékniko superior tambe den e posibilidatnan. Maske chikitu e skol superior di derecho ta bira Universidat di Antia. Ainda tin falta di dosente ku tin di buska na Hulanda, pero ta di spera ku yunan di tera mes, lo turna over algun dia tur loke tin di ofresé.

Pa terminá estudio di medisina, despues di e partí teóriko, tambe tin fasilidatnan na Kórsou mes, den kooperashon ku Universidat di Groningen na Hulanda.

Kórsou a progresá mas di loke hopi a kere i spera i ta sigur ku lo sigui tambe ku e adelanto ku a kuminsá.

< Anterior | Siguiente >
 

 



 

Content © Amado E.J. Römer 1997 - Copyright © CaribSeek 2003 - All Rights Reserved