CaribSeek | CaribSeek Books | Curaçao Books | Korsou den siglo 20

CaribSeek Books
CaribSeek


 
 

Sponsors

 
1. Un pueblo ku ta pčrdč kara

Efektonan di sklabitut no ta kaba lihé den pueblo. Kňrsou tampoko ta un eksepshon. E ansha pa ta igual na esun ku ta dominá, e identifikashon ku esunnan konsiderá grandi (ku plaka, koló i kabei) i importante ta inkreiblemente fuerte.

Diferenshanan ku tabata eksistí no a kambia muchu ku e imigrashon di estranheronan. Prinsipalmente e elemento hulandes, ku ta biba riba Isla (Emmastad) i despues ta establesé na Julianadorp leu for di e pueblo di den Suffisant, na Kwartier i den barionan rňnt stat, ta asentuá e enorme distansha ku ta eksistí. E hulandesnan akí, bibá riba nan mes tras di waya, ku nan mes skol, kancha di deporte, nan mes supermerkado i tur sorto di fasilidat ta keda pa nos hendenan un ideal di bida inalkansabel. E grupo akí no tin direktamente un influensha riba nos pueblo, pero sí e ta duna pueblo un motibu pa sońa i rabia. Hopi tempu despues e rabia akí lo manifestá su mes na un manera hopi irashonal den e revolushon ku despues lo turna lugá.

Yunan di Kňrsou simpel, hendenan di kunuku a kuminsá kere den nan mes un ratu Gomez ta e "profeta" pero tambe e ta bira un "ídolo", te hasta hende ta yama nan mes "gomista". Tňg e kibramentu ku tradishon i para riba su mes, ainda no ta duna muchu speransa.

Despues di un viktoria grandi, Gomez ku su partido ta bai pčrdč un elekshon, ku lo manda un otro dirigente bai firma un situashon polítiko i estatal nobo na Hulanda.

Esaki ta pone e pueblo kuminsá duda den su mes atrobe. E idea ku "nan mes no por" ta bolbe lanta. Pueblo ta pčrdč konfiansa den su mes. Propaganda polítiko ta mustra riba e faktor "koló" hopi bia. Pero "blanku" ta sigui atraé, maske bo a sinti nan peso riba bo lomba. Un chčns mas tin ora ku den Statuut aseptá ku kada isla lo mester goberná su mes, ku su mes parlamento chikí, su eilandsraad.

Tambe ta aseptá ku e asuntu di "ocho ocho" (ocho asiento den staten pa Kňrsou i ocho pa Aruba) no por sigui i ta bini na su lugá un repartishon di asiento ku ta duna Kňrsou 12 i Aruba 8, pero pa Aruba ta eilandsraad di Aruba ta disidí tog.

< Anterior | Siguiente >
 

 



 

Content © Amado E.J. Römer 1997 - Copyright © CaribSeek 2003 - All Rights Reserved