You are here

11. Konstrukshon Di E Aktual Snoa

  • Sharebar

Pa 1732 e snoa di 1703 a resultá di ta muchu chikí pa e kresiente poblashon hudiu. E aña ei nan a derumb'é i riba e mésun sitio pero ku midí basta mas gran di, nan a konstruí e snoa monumental di awe. Pa tal fin nan a kontratá un 'meester timmerman' di Hulanda, Henderik Schielach, un arkitekto/ supervisor Pieter Roggenburg i un skreinwerker di Kòrsou, Pieter de Mey. Tantu su arkitektura komo su interior tabata klaramente inspirá pa e Esnoge materno di Amsterdam, pero na 2/3 parti di su grandura. E Snoa di Kòrsou, ku su 258 aña di eksistensha i su uzo sin interupshon pa mes tantu ten, ta e snoa di mas bieu di hemisferio oksidental. Ademas, su konstrukshon típiko, su interior di mahòk sólido, su shandeliénan di koper di siglo diesocho, su santu riba suela ta hasié un di e monumentonan mas valioso di nos isla i Kòrsou su atrakshon turístiko number un.