You are here

14. Prosperidat Di E Komunidat Hudiu

  • Sharebar

Prosperidat di e komunidat hudiu tabata danki na e gran aktividat komersial ku nan a bin ta desplegá den nos region. Den e área supdesaroyá aki nan a logra sobresalí ku nan konosementu di komersio internashonal, nabegashon i seguro marítimo i di transporte. Komo resultado di nan konekshonnan familiar i étniko ku komershante, finansista i industrialnan hudiu den sentronan mundial di e',tempu ei manera Amsterdam, Hamburg, London, Bordeaux, Lisboa, Madrid i New York nan a yega na kapta mayor parti di e komersio den Karibe. Den trafikashon di katibu nos ta kontra masha poko ku nan, di pursi esei tabata un monopolio di West Indische Compagnie. Tambe tabatin kaso kaminda firma hudiu a kumpra katibu na Kòrsou di WIC i bende nan ku Colombia. Sí nan tabata propietario di katibu, meskos ku tur otro doña di kunuku, empresario Of kualke hende pudiente di e tempu ei. Ta remarkable ku den tur e relatonan i dokumentonan ku nos istoriadornan a deskubrí riba e lantamentu di katibu na aña 1795 bou di liderato di Tula, nos no ta kontra ku ningun nòmber hudiu entre e doñonan i otro figurantenan. Esei sinembargo sí tabata e kaso ku e lantamentu chikí di 1750 kaminda ku nos ta topa ku nòmber di algun hudiu komo doña di katibu ku a bai djòin e lantamentu na kunuku di West Indische Compagnie na Hato.