You are here

27. Epílogo

  • Sharebar

Di un total máksimo di 2000 alma na añanan 1790 e kantidat di hudiu a mengua pokopoko te ku awe nan ta konta ku solamente un 500 alma, repartí entre e desendientenan direkto di e promé kolonistanan spañó/portugues for di Amsterdam i e yu i ñetunan di esnan ku a bini for di Oropa Oriental den siglo binti. Huntu nan ta representá algu ménos ku 1/2% di e poblashon total di Kòrsou. Tin bon relashon entre e dos komunidatnan hudiu i huntu nan ta mantené un Skol Religioso Abraiko, un Sosiedat B'nai B'rit, un Museo Kultural Istóriko Hudiu i diferente fundashon karitativo.

No opstante nan aktual number redusí, e desendientenan di e promé pioneronan pa bin establesé permanentemente riba nos isla, huntu ku esnan ku a bin reforsá nan filanan den añanan despues, a sigui duna ku entusiasmo i dedikashon un kontribushon signifikativo na desaroyo, kresementu i bienestar di nos pueblo i di nos tur su dushi Kòrsou.