You are here

3. Persekushon Pa Inkisishon Spaño

  • Sharebar

Pero no ta tur hudiu a hui for di Spaña. Komo un tersera parti ainda tabata bika na Spaña ora e dia fatal a yega. No a keda nan otro rekurso sino someté nan na ser batisá katóliko. Den gran mayoria di kaso e konbershon forsoso aki tabata unu superfisial, ya ku sekretamente i den protekshon di nan kas nan a sigui profesá hudaismo opservando tantu ku nan tabata por e leinan di Moises.

Na Spaña nan a bin yama e hudiunan sekretu aki, 'Conversos' Of 'Nuevos Cristianos' Of 'Marranos'. Pronto e instituto di Inkisishon a kuminsá persiguí nan komo herehe, enkarselá ,nan, konfiská tur nan bienes i saka konfeshon for di nan ku métodonan refiná di un tortura sumamente kruel. Finalmente den kasonan di terkedat persistente tabata kima nan bibu den espektákulonan públiko ku nan tabata yama 'Auto da Fe'.