You are here

4. Estadia Di Un Siglo Na Portugal

  • Sharebar

Pa hui di un martirio semehante hopi di e maranonan aki a krusa frontera bai buska nan refugio na Portugal, kaminda no opstante ku e mésun lei di skohe entre ekspulshon òf konbershon tabata válido, inkisishon no a kuminsá desplegá su persekushonnan ainda.

Asina e hudiunan sekreto aki a biba komo 100 aña, o sea 3 generashon, den un atmósfera relativamente tolerante na Portugal. Nan a integrá kompletamente den bida di e pais, a bai skol i universidat portugues, adoptá portugues komo nan lenga, bai misa okashonalmente mas bien pa kumpli ku apariensha, pero semper sigui praktiká sekretamente den kèlder di nan kas e tiki hudaismo ku ainda nan tabata kòrda.

Pa fin di siglo XVI e bida aki tambe a para bira insoportabel i peligroso, komo ku den e tempu ei Inkisishon a kuminsá persiguí nan na Portugal tambe.