You are here

4. E Bombanan Di Boneiru

  • Sharebar

Un bomba tabata un katibu ku, debí na su komportashon han, tabata baña un tipo di promoshon. E tabata gasa di mas previlegio ku e katibunan normal. Ta opvio ku un bomba no tabata mashá popular serka e katibunan. Te asta nan tabata konsiderá e bomba komo un tipo di traidor.

Un bomba tabata katibu, pero tabatin un posishon di he fe di un grupo di katibu. Nan no tabata pues hende liber. P'esei nan yunan tambe tabata katibu na nan turno. Entre otro ta sali na kla ku tur bomba originalmente a bini di Rincon.

E investigashonnan ku R.H. Nooyen a hasi riba e personanan ku tabata bomba na Boneiru, a konsentrá hopi den e bukinan di boutismo di Misa San Bernardo.

Repasando e bukinan di boutismo aki, ku sin duda tabata un fuente importante pa baña sa algu di historia boneriano, Nooyen a topa ku nòmber di diferente persona ku tabata bomba. E echo ku tin dje bombanan aki tabata aparesé na diferente okashon komo padrino di boutismo ta indiká ku nan mester tabata hendenan di bon komportashon. Te asta tin bomba sa para komo padrino di muchanan ku no tabata katibu.

Algun dje nòmbernan di bomba ku Pastor Nooyen a kai ariba hopi bia den buki di boutismo tabata Achilles de Palm, Luis Birey Coffie, Pieter Polon de Palm, Minguel Goedgedrag. Nan tur tabata bon katóliko.

Historia oral di Boneiru ta indiká ku no ta tur bomba tabata bon hende. Algun di nan tabata kruel tambe i tabata suta e katibunan bou di nan formalmente.

Nan ta konta di Philipi di Machi Duki di Tera Kòrá ku a baña un bon sota serka bomba Nicolaas, ku probablemente tabata e mésun bomba ku tabata enbolbí den e lantamentu di dia 10 di novèmber 1834. Philipi tabata grita: "Pordon Kalá, pordon Kalá!" Esaki miéntras ku sla tabata kue su kurpa. Katibunan ántes tabata buska tur manera pa evitá ku nan mester a traba. nanies di Antriol, un katibu ku tabata kasá ku Ma Yèchi, tabata traba den kunuku di Mexico. Un dia kabuya di su chapi a los. E tabatin miedu di su bomba, ku lo por a dun'é kastigu. nanies a disidí di kai abou i keha mal'i barika.

"Doló, doló, doló!" asina ela keda grita. Su bomba tabatin kompashon kuné i a mand'é unbes hospital.

Antoin Best, un katibu ku tabata biba na Nikiboko, tabata traha pa Jan Schotborgh na Saliña. Un bia ku Jan a kumindá Antoin i puntr'é kon ta bai, Antoin a respondé: "Malu!"

Bisando esaki Antoin a saka su lenga pa Jan mira kan malu e tabata. Jan Schotborgh a spanta i grita Antoin: "Bo lenga ta putrí!" I Jan a mand'é hospital mesora.

Pero e lenga di Antoin tabata mashá bon. Loke ela hasi ta di pone un tiki salu riba su lenga. E salu a bira manera un skuma riba su lenga, kreando e impreshon enbèrdat ku su lenga tabata malu.

Di akuerdo ku investigashonnan di Pastor Nooyen, e fam Bomba ku nos konosé awendia, prinsipalmente den e bario di Tera Kòrá, tabata usá ya kaba rònt di aña 1830. Esaki sinembargo no ke men ku tur e personanan ku tabata karga e fam Bomba tabata bomba tambe mes. Nan por ta salí sí di un bomba.

For di buki di boutismo Nooyen a nota ku na aña 1837 a batisá Petronella, yu di Catharina di Florensia Anthony Bomba. Tata di e yu tabata Fabias Dop.

Tabatin dos bomba de Palm hopi konosí na Boneiru, esta Achilles de Palm i Pieter de Palm.

Aegidius de Palm tabata esun yamá Achilles òf Djillis. Tin bia tambe flan tabata yam'é Jules. E tabata un bomba bibá na Nikiboko, na unda te awe tin hopi hende ku fam de Palm ta biba.

Su trabou di bomba tabata prinsipalmente na e kunuku Aruba-Amboina. Parse sinembargo ku na prinsipio e tabata traha na Rincon tambe. Ela yega di batisá na Rincon un yu di Pieter Polon de Palm, miéntras ku Pieter tambe a batisá un yu di Aegidius. Nan lo tabata famia di otro.

Vários bia Aegidius tabata batisá yu. Por ehèmpel un yu di Jan Hendrik de Palm (Òf tambe Emerentiana), kasá ku Leonora di Sebel Rijna i un yu di Antoin de Palm, kasá ku Anna Andrea Rosario. Ta difísil di bisa ku si flan tabata famia di otro.

Nooyen ta mustra ku e nòmber de Palm ta bini di Jan Palm, ku tabata vise-komandùr di Boneiru pa e parti di Rincon, fo'i 1805 te 1809. Archivo di Misa di Playa ta menta Jan Hendrik Palm komo doña di katibu te den aña 1852.

Durante henter siglo pasá, segun Nooyen, famia de Palm a bruha ku Emerentiana. Probablemente un di e promé katibunan muhé di Jan Hendrik Palm tabata Emerentiana, e mama grandi di tur e de Palm-nan, ku despues a bruha ku Emerentiana.

Achilles de Palm tabata kasá ku Speranza Hermina. Tres yu di nan ta skirbí den buki di boutismo di Playa: Martina Clemencia (nasé na 1824), Johan Christoffel (nasé na 1831), Jozef Arcadio (nasé na 1834). Anthon de Palm tambe tabata yu di Achilles.

Achilles de Palm a muri na 1884. E tabata tambe miembro di Sosiedat Spiritu Santu. Su desendientenan ta biba na Nikiboko.

E otro bomba de Palm tabata Pieter. Pa ta eksakto, Pieter Polon de Palm, konosí tambe komo Pedro Polonia. E tabata bomba na Rincon.

Na 1829 Pieter a kasa ku Anna Paulina di Rosa Gulu, tambe un katibu. Nan tabatin 7 yu ku a nase dentro di 1828 i 1848. Nan tabata Calorina Isenia, Maria Augustina, Frederica Josefina, Cornelia Elisabeth, Juliana, Iesena i Valentin Martinus.

Luis Birey Coffie, kasá ku Sebel Bernabela, tabata un otro bomba na Rincon. Rònt di aña 1846 Luis Birey a bin biba na Antriol. Ta nèt den e añanan ku hopi hende di Rincon a bin biba na Antriol. Luis su trabou di bomba tabata prinsipalmente den Saliña na sùit dje isla.

Luis Birey i Sebel Bernabela tabatin por lo ménos sinku yu, esta Bernardo, Mathias, Hieronymo, Frederico i Leandro. Na 1868 Leandro a kasa ku Cleantis Philipa.

Luis Birey su desendientenan ta biba prinsipalmente na Antriol Pabou. Jan Hendrik Coffie, ku a muri den añanan sinkuenta di e siglo aki, tabata nietu di Luis Birey. Jan Hendrik su promé kasá tabata Anita (Damiana), un bisanietu di Papa Cornes.

Luis Birey tabata yu di Martha Coffie. Ela nase na 1811 na Rincon i a muri na 1889.

Tambe tabatin un bomba yamá Minguel Goedgedrag, tata di Rudolf Goedgedrag, wela di Janchi Goedgedrag di Nikiboko. Minguel tabata bomba na Fontein, pero rònt di aña 1840 ela bin biba na Antriol. Tempu ku nan a traha e kas grandi di Vlijt, Minguel tabata e bomba riba e katibunan ku mester a traha aya. Rudolf, su yu, tabata un di e katibunan.

E nòmber Goedgedrag ta di despues di tempu di katibunan, pues despues di 1863. Promé e tabata yama Juan Minguel. Ta parse ku e tabata un mashá bon hende. p' esei nan a yam'é Goedgedrag (bon kondukta).

Na 1829 Minguel a kasa ku Helena na Rincon. Nan nòmber tabata skirbí asina: Jan Minguel di Dortalina i Maria Helena di Flora Janga. Nan sinku promé yunan a nase na Rincon, esta Rudolf Marti, Rosa Florentia, Pedro Pablo, Hiromes Martien i Anthonius.

"Na 1834 nan tabata biba na Antriol. Aya a nase Martinus, Zorecta, Leonardo i Juana J acoba. Juana, e delaster, a nase na 1851. Martinus tabata yama tambe Mathias. Zorecta ta mas konosí bou di e nòmber di Ma Soraida di Rincon.

Na 1854 Rudolf a kasa ku Clarissa Bernabela. Den buki di boutismo Rudolf ta yamá semper Minguel. (Minguel di Helena Janga a kasa ku Bernadina di Bernabela.) Nan tabatin seis yu, esta Reinir, Maria, Maria Margaritha, Johannes, Eusebio Bernardo i Feliz (òf Frits). Rudolf a traha duru pa planta maishi, bonchi èts. pa bende. Ku e sèn ku ela gana ku e trabou ei ela kumpra su yu Maria liber. Maria tabata un mucha chikitu ainda. Ela nase na 1855.

Kas di Minguel i Rudolf tabata den Antriol Pabou. Tin vários desendiente ainda na Antriol.

Un otro bomba tabata Guillermo Frans. E tabata konosí komo bomba Buchi Guillermo di Tera Kòrá. Nan tabata deskribi'é komo un bomba brutu. Tur katibu tabatin miedu di dje. Guillermo a nase na 1829 i Dorothea na 1828. Un yu di nan tabata yama Ludovica. E yunan di Ludovica tabata mas konosí den Tera Kòrá te den e promé mitar di e siglo aki ainda, esta Dorothea, Mercelita, Justina i Piel.

Tambe tabatin bomba Elias Martijn. E tabata kasá ku Eleonora Emerenciana, konosí tambe komo Gengen òf Dada. Tur dos tabata di Rincon, kaminda nan a kasa ku otro na 1829.

Bomba Elias aki tabatin un kabuya steif i duru, un asina yamá 'kabuya di breu' , pa bati e katibunan ku tabata kai bou di su responsabilidat. Hopi aña ainda despues di tempu di esklabitut ela keda ward'é i tabata mustr'é na hendenan ku bishitá su kas.

Tabatin vários otro bomba mas. Entre otro bomba Martinus di Tera Kòrá, bomba Marti Manuela di Antriol, bomba Marti Janga di Rincon, bomba Alberto di Tera Kòrá.

Nooyen ta konkluí ta ku tur e bombanan a bini originalmente di Rincon. Ta manera ku gobièrnu so tabatin bomba pa su katibunan i otro doñonan di katibu, esta e shonnan di Boneiru, no tabata konosé e funshon di bomba. Na prinsipio di siglo pasá tur katibu di Boneiru tabata biba na Rincon. Mas despues, despues di 1835, un parti di nan a bin biba na Antriol, Tera Kòrá i algun na Nikiboko.